وينه اليسأل اشلونك
الى استاذي الشاعر الكبير خالد العامري
شلونك ياغريب الدار
من دمعة غريب ابعازة اشلونك
وشلون الدفو المابي ملذة نوم
وشلون الصبر والحيرة بعيونك
مصباح الثلج جن الكمر عالباب
ونت المايونسك غير جانونك
يم جسر الخضر ياما كتبت اشعار
يزكيهه الفرات وخضره من دونك
رديت ودمعتك غسلت الحيطان
واتلكوك وادم جن يواسونك
شبكت الباب بيه[ طويره ]تتلكاك
بيه امشابك المن صدك يردونك
وما بين النسوا وتكول معذورين
وما بين الاحباب الجذب ينسونك
كتبت ابصفنتك قصة هذيج الدار
ومن دمع الصور خلان يقرونك
شعر : حياة الزيادي
