((محمد …. يبويه….. محمد))
محمد يبويه محمد
من ربعي ماظل أحد
كل ربعي وخلاني
اليوم أصبحوا عدواني
يبني الوكت خلاني
أطلوگ المعسره وازيد
حاير شسولف شحچي
بس احچي خافن ابچي
اتوچه گمت اتوچي
اوداسوني واني ..اممدد
كلما تمر بينه ……اسنين
الگه الربع مختلفين
وهذا الحچي شوف العين
او نار ال بگلبي تشهد
حچي الوفه اوحچي الحگ
صارن سوالف عتگ
اشلون الگلب ماينشگ
او صار الچذب حل وشد
يمحمد شوف احوالي
خيبو كل .. …. آمالي
الضنيته منهم خالي
من الحقد لن گلبه اسود
يمحمد صوچي اني
اولاذب صوچ ابزماني
بس ماعلن جنحاني
ردلي الحنين او عاود
حيل اوبعد حيل وياي
چي ماعفت هذآ الراي
برجلي اعتنيت ال بلواي
ونايم چنت و مفلهد
ريت اببختهم ياريت
كلمن سعو للتشتيت
ياما تعبت وباريت
وربع الربع محد سد
يمحمد موش من الله
أدريها من عبدالله
حچي العدل شو وله
وصار العوج ماينعد
الخوه .. مو …. بالهين
ولا بالكلام …. اللين
أن طال المسير .. اتبين
والبي دغش …. يتردد
(محمد. يبويه. محمد)
الشاعر كاظم الخفاجي
محمد يبويه محمد
مقالات ذات صلة
