من جديدي لأول مره
عتب بيّه …. ابكبر هسه
ونهر عَبرَه …. ابكبر باچر
عتب سكته الذبح طيفي
ونواعي التكسر الخاطر
يغيّم واهس أبروحي
ويظل بيه الامل محبوس
لا صاحي …. ولا ماطر
شسولفلك
ونه البيّه …. حزن موسم
المّه ابصايتي العتگت
وطشّه بضحكة امكابِر
مشو ….
والليل لم هدمه
ويطير المايعزبه الروض..
ماينلاّم لو هاجر
تعال وشوف المغطَّه
لگوني امبسّط ابجرحي
ويسَمِّيني البعض تاجر
شسولفلك
يواعدني العمر فرحه
شسوي ابفرحة الستين
والضحكه ابطعم عاجِر
كاظم العطشان
شباط /2025
