انا صكر-ن يعيش ابروس الجبال
عباس طريم
انا صكر-ن يعيش ابروس الجبال
وما هذي الارض , الا
لصيدي
+
وانا الشاعر , وكل الشعر النكال
من الماضي ومن الحاضر
كصيدي
+
لكل صاحب اذا بيه الحمل مال
وكلمن كال وينك ؟ ماد
ايدي
+
انوخ , ودنيتي اتحط فوكي الحمال
واكلهه : شما اتزيد الحمل
زيدي
+
الزمن قدم لي دون الخلك , موال
وكل للدنيه , باليستحق
شيدي
+
انا الحر , ما طعن بظهور الرجال
عتيج .. ويشبه اطباع
المعيدي
+
ما اطي الاذن , للكيل والكال
ولا اكل لليعاتب , انه
شبيدي
+
افوج ابحيل صدري , ايمين وشمال
واوصي ابني على الطيبة
وحفيدي
+
الحب الناس من الجهل , ميال
وطيب بالطبع مثل
الصعيدي
+
اذا ربعي تغير بيهم الحال
عليم الله , اقدم الهم
وريدي
+
خلصت العمر بالدنيه رحال
ما يثبت على حال -ن
بريدي
+
مثل كل مغترب , صابر عله الحال
ومن اتلوب , اكل للروح
هيدي
+
مو كل اليريده الرجل , ينطال
ولا كل صاحب انسميه
عضيدي
+
ولا كلمن صعد عالمهرة خيال
ولا كلمن حرس ديرة
هريدي
+
يصح حلو الكلام , وهوه حيال
وجليل العرفة , ينطق
بالمفيدي
+
مو كل الحجي الينسمع , ينكال
يروحي , لا بكل المضه
اتعيدي
+
عله لله اتوكلي , واتهون الحمال
ما يوم النخيته , اوفرغت
ايدي
