* حلم مطمور *
نحسب والحساب ايتيه مرات
و الحسبات بينه ادور وتدور
لا وحده التفل ونگول عالخير
ولا واحدنه من دنياه مسرور
نظل لشوكت بس ابهاي وبهاي
وعلى ذني وهذني اگلوبنا اتفور
قليله احلامنه وكلش بسيطات
وماردنه الرفاه ابفلل واقصور
ردنه اويه النحبهم نگضي الايام
ونعيش اببساطه وحال مستور
ماشفنه اليسر واعزازنه اضياع
العدل منهم جفه والمات بگبور
گصن بينه اليطشرن راحة البال
وفر بينه الوكت فرة الناعور
خلصنه العمر حسرات و آهات
وبينه الاه يويلي استاطن الطور
غفه حلم السعاده وطول النوم
دهر ياكل دهر والحلم مطمور
