مو فقيره
ولو ماضل عدها كلشي ومابقت غير الحصيره
امي بعيون االوطن كلش جبيره
امي زرعت بالمقابر ورد ويفوح ابعبيره
ياشهيد اللي تدفنه
اتهلهل ابدمعه الاخيره
امي ماعافت وطنه ..ابحيره ..ويدوخ ابمصيره
اذكر ومن جنت جاهل
أسئل اهوايه مسائل
واذكر انه اسئلت امي
العرب كلها عشاير
يمه احنه ابيا عشيره
امي كالت
يمه احنه امن العراق
وهو خيمتنه الجبيره
من كبرت اسئلت امي
وعاينت حيرتها حيره
يمه جا ليش العراق
ايشوفنه ابعين الصغيره
يمه جا ليش احنه فقره
ابهايه خيراته الجثيره
يمه انتي ام الشهاده
وكل شهيد اليسوه ديره
ليش محد مر علينه
وجنه حطينه ابجزيره
امين لمن جاوبتني
صاحت ابصوت الاسيره
يمه صوج البرلماني
للدول بايع ضميره
يمه مو صوج العراق
يمه صوج الحاكم الماعنده غيره
يمه صوج الحاكم الماعنده غيره
االغريب
أخراج الرائع وسام حلبية
مو فقيره
