شرط اليشتريها ..ايكون جناي!
,,,,,
يابلوه التعادل .. هايه بلواي!
مابين الشماته ,,, ابعيني دمعه,
.
كعدوا سمعوني ابذيجه * وبهاي!!
ويعيدون الحَجي الماريد أسمعه!
.
يدروني ابعذابي امشكبن .. اهواي!
يكَفي الدنيا .. لو عالناس اوزعه!
.
كون أندل الموت.. اتعنه عناي
ويخلصني من روحي البيها وجعه*
.
شايفلك غشيم امضيع الراي
ايَحشم بالعدو ورايدله فزعه! . ماضل بالمنيه , اينكط الماي… غير الشامت! ,, ومجبور اجرعه! . إلي بس الحزن بالدنيه وفاي لايجزعني يوم ..أولا أجزعه . زرعيت الفرح ماخضر اوياي يطلعلي حزن! لمن أزرعه,, . عمري الراح.. ميبشرني بالجاي أدريه أظلم ,,,,وما منه لمعه
.
قررت وبعد ما أرجع ابهاي!
مادام الوضع! باقي اعله وضعه!
.
راح انشر اعلان ابهايه دنياي
(وأبيعن روحي ) وما بيها رجعه!
.
شرط اليشتريها ..ايكون جناي!
مو يوميه بايعها اعله ربعه!!
.
بس اشلع جرح من عدها شكاي
بي ريحة اعزاز..وصعبه أودعه!
من ايد الاعزاز .. وصعبه أودعه.
حسين االساعدي
